دودى .
عدد الرسائل : 83 تاريخ التسجيل : 03/05/2008
بطاقة الشخصية الفن: (0/0)
| موضوع: ارز سعودى........ الثلاثاء 09 سبتمبر 2008, 11:30 am | |
| انا يا جماعه طبعا مش قصدى ابدا ان اضر اى حد بس اعمل ايه ايه حكم القوى وطبعا انتوا عارفين مين القوى ؟؟ انا هاعملكوا انهارده أرز بخارى باللحمه الضانى وسمبوسك وطبعا انا مليش دعوه بالضحايا هانسلق اللحمه الضانى نص سوى طبعا بتكون متقطعه قطع متوسطه من غير ما نخليها بالعضم بتاعها يعنى وبعدين نفرم بصله متوسطه الجحم وتحط معلقتين زبده ونحمر البصله حتى يصبح لونها دهبى وبعدين لو كانت الكميه كيلو أرز نقطع نص كيلو طماطم او اكتر شويه نقطعه مكعبات صغيره ونضيفه على البصله مع التوابل الخاصه بالرز التوابل دى يا جماعه اسمها كده توابل الرز السعودى بتتباع مع بعضها كده مجموعه توابل على بعض وبعدين نسيب الطماطم على النار لغايه ما تستوى او تتسبك وبعدين نضيف الشوربه واللحمه والملح والفلفل الاسود ونسيب الشوربه اما تغلى طبعا بنكون غاسلين الرز كويس اه الرز ده مش الابيض بتاعنا المصرى لا ده الرز البسمتى بيكون اكبر شويه ولونه اصفر اول ما الشوربه تغلى نضيف الرز واما يشرب الشربه خالص ونوطى النار لغايه ما يستوى السمبوسك بقه الاول هنعمل اللحمه المفرومه معصجه طبعا عارفيه المعصجه اللى هى بنحمر بصلتين كبار شويه فى الزبده وبعدين نضيف اللحمه المفرومه وكوبايه عصير طماطم وفلفل اخضر قطع صغيره وكوبايه مايه لغايه ما اللحمه تستوى وبعدين نضيف التوابل ملح وفلفل وبهارات لحشو السبموبك هانضيف على اللحمه المعصجه بيض مسلوق مقطع قطع صغيره وخضره (شبت وبقدونس )طبعا مغسول ومتقطع قطع صغيره ممكن اضافه جبنه موتزريلا السمبوسك ممكن تتعمل بعجينه السمبوسك الجاهزه هى بتكون متقطعه مستطيله وبتحط الخلطه فيها ونلفها على شكل مثلث وممكن تتعمل بالجلاش ودى بتكون مقرمشه اكتر وفى الحاله دى بنقطع الجلاش على شكل مستطيلات ونعمل ورقتين من الجلاش علشان هو طبعا خفيف شويه وبكده يتحمل اللف وبرضو بنلفه على شكل مثلث وبنسخن الزيت كويس اوى ونقلى السمبوسك حتى يصبح لونها دهبى وكفايه عليكوا كده بقه وكل واحد يقدم بطريقته
| |
|